ایران کے وزیر خارجہ عباس عراقچی نے پیر کو پاکستان کی سفارتی کوششوں کو سراہتے ہوئے اسلام آباد پر تہران کے اعتماد کا اعادہ کیا ہے اور خطے کو درپیش پیچیدہ صورت حال میں پاکستان کو ایک قابل اعتماد دوست قرار دیا ہے۔
سرکاری چینل ’پاکستان ٹی وی‘ کو خصوصی انٹرویو دیتے ہوئے عباس عراقچی نے کہا کہ ایران کو پاکستان پر اعتماد ہے اور وہ اس کی سفارتی کوششوں سے مطمئن ہے۔
ایرانی وزیر خارجہ نے کہا: ’ہم واقعی بہت اچھا کام کر رہے ہیں۔ ہم پاکستان پر ایک اچھے دوست کی حیثیت سے اعتماد کرتے ہیں، ہم اسے ایسا ملک سمجھتے ہیں جو اپنی پوری کوشش کر رہا ہے اور ہم اس کے ساتھ مل کر کام کرنے سے مطمئن ہیں۔ ان شاء اللہ یہ سلسلہ جاری رہے گا۔‘
Pakistan TV Exclusive: Iranian Foreign Minister Abbas Araghchi says, “We trust Pakistan as a good friend. Pakistan is doing its job, and we are satisfied working with them.” @ForeignOfficePk @IRIMFA_EN @araghchi @IraninIslamabad @PakinIran @RanaAbdullahHam #PakistanIran #AbbasAraghchi #PakistanDiplomacy #IranPakistanRelations #PakistanTV
— Pakistan TV (@PakTVGlobal) November 16, 2026
ان سے پوچھا گیا کہ کیا ایران مذاکرات کے ایک اور دور کے لیے اسلام آباد واپس آنے پر غور کرے گا؟ اس پر عباس عراقچی نے صورت حال کو پیچیدہ اور مشکل قرار دیتے ہوئے پاکستان پر تہران کے اعتماد کا اعادہ کیا۔
انہوں نے کہا: ’پاکستان اپنا کام کر رہا ہے۔ یہ معاملہ بہت پیچیدہ اور مشکل ہے اور جیسا کہ میں نے کہا، ہمیں اپنے پاکستانی بھائیوں پر اعتماد ہے۔‘
اس سیکشن میں متعلقہ حوالہ پوائنٹس شامل ہیں (Related Nodes field)
گفتگو کے دوران ایرانی وزیر خارجہ سے پاکستان کے بدلتے ہوئے کردار کے بارے میں بھی سوال کیا گیا، جس میں سفارتی کوششوں کے ساتھ اجتماعی دفاعی صلاحیت میں شراکت دار کی حیثیت سے پاکستان کا کردار بھی شامل تھا۔
عباس عراقچی نے مذاکرات کے حوالے سے کسی نئے فیصلے کا اعلان نہیں کیا، تاہم ان کا کہنا تھا کہ پاکستان اپنی کوششیں کر رہا ہے اور تہران کو اپنے پاکستانی ہم منصبوں پر اعتماد ہے۔
ان کے یہ بیانات ایران اور امریکہ کے درمیان کشیدگی کم کرنے اور مذاکرات کے ذریعے کسی حل تک پہنچنے کے لیے پاکستان کی جاری سفارتی کوششوں کے تناظر میں سامنے آئے ہیں۔
پاکستان ایک اہم سفارتی رابطہ کار کے طور پر سامنے آیا ہے، جو اہم فریقوں کے ساتھ رابطے برقرار رکھنے اور مذاکرات کے ذریعے خطے میں کشیدگی کم کرنے کی کوششوں کی حمایت کر رہا ہے۔
