پاکستان سپر لیگ (پی ایس ایل) 11 کے دوسرے ایلیمینیٹر میں حیدرآباد کنگز مین نے جمعے کو اسلام آباد یونائیٹڈ کو سنسنی خیز مقابلے کے بعد دو رنز سے شکست دے کر فائنل میں جگہ بنا لی جہاں اتوار کو اس کا مقابلہ پشاور زلمی سے ہو گا۔
اس سے قبل قذافی سٹیڈیم لاہور میں کھیلے گئے میچ میں اسلام آباد یونائیٹڈ نے ٹاس جیت کر حیدرآباد کنگز مین کے خلاف پہلے فیلڈنگ کرنے کا فیصلہ کیا۔
حیدرآباد کنگز مین نے اسلام آباد یونائیٹڈ کو جیت کے لیے 187 رنز کا ہدف دے دیا۔
کنگزمین نے پہلے بیٹنگ کرتے ہوئے 20 اوورز میں پانچ وکٹوں کے نقصان پر 186 رنز بنائے۔
عثمان خان نے سب سے زیادہ 61 رنز بنائے جبکہ سری لنکا کے کوشل پریرا نے 37، صائم ایوب نے 38 اور مارنس لبوشین نے 39 رنز بنائے۔
اس سیکشن میں متعلقہ حوالہ پوائنٹس شامل ہیں (Related Nodes field)
بولنگ میں اسلام آباد یونائیٹڈ کی طرف سے عماد وسیم نے دو وکٹیں حاصل کیں جب کہ کرس گرین اور رچرڈ گلیسن نے ایک، ایک کھلاڑی کو آؤٹ کیا۔
پہلے ایلیمنیٹر میں حیدرآباد کنگزمین نے ملتان سلطانز کو آٹھ وکٹوں سے شسکت دی تھی۔
پہلے کوالیفائر میں اسلام آباد یونائیٹڈ کو پشاور زلمی کے ہاتھوں ناکامی کاسامنا کرنا پڑا تھا۔
