یمن میں آئینی حکومت کی بحالی کے لیے قائم اتحاد کے ترجمان میجر جنرل ترکی المالکی نے جمعرات کو کہا ہے کہ مدینہ ریجن میں ایک کروز میزائل کو تباہ کر دیا گیا ہے۔
جبکہ سعودی سول ڈیفنس نے نجران اور جازان شہروں کے لیے پہلے جاری کی گئی ہنگامی وارننگز واپس لیتے ہوئے سوشل میڈیا پر بتایا کہ خطرہ ٹل گیا ہے۔
التحالف : اعتراض وتدمير صاروخ مجنح (كروز) بمنطقة المدينة المنورة.
— المتحدث الرسمي باسم قوات التحالف (@CJFCSpox) October 15, 2026
تاہم سول ڈیفنس نے وزارت داخلہ کی اس ہدایت کا اعادہ کیا کہ تباہ کیے گئے ڈرونز اور میزائلوں کے گرنے کے مقامات سے متعلق ویڈیوز بنانے، تصاویر لینے یا معلومات شائع اور شیئر کرنے سے گریز کی جائے۔
ترکی المالکی نے جمعرات کی صبح یہ بھی بتایا کہ مشرقی ریجن میں ایک ڈرون کو تباہ کیا گیا۔
اس سیکشن میں متعلقہ حوالہ پوائنٹس شامل ہیں (Related Nodes field)
سعودی سول ڈیفنس کے مطابق، بدھ کو ریاض پر حوثیوں کے ایک بیلسٹک میزائل کو تباہ کرنے کے بعد اس کا ملبہ گرنے سے ایک عرب شہری زخمی جبکہ ایک مکان اور گاڑی کو معمولی نقصان پہنچا تھا۔
یہ تازہ کارروائی منگل کی رات سعودی فضائی دفاع کی جانب سے ریاض کے اوپر حوثیوں کے دو کروز میزائل تباہ کیے جانے کے بعد سامنے آئی ہے۔ حکام کے مطابق، ان میزائلوں کا ملبہ گرنے سے چار افراد زخمی ہوئے اور تقریباً 15 رہائشی مکانات کو نقصان پہنچا تھا۔
