صدر ڈونلڈ ٹرمپ نے اتوار کو کہا ہے کہ اگر ایران دونوں ممالک کے درمیان جنگ کے خاتمے کے لیے بات چیت کرنا چاہتا ہے تو وہ امریکہ سے رابطہ کر سکتا ہے۔
امریکی ٹی وی چینل فاکس نیوز کو ایک انٹرویو دیتے ہوئے انہوں نے کہا کہ ’اگر وہ بات کرنا چاہتے ہیں تو وہ ہمارے پاس آ سکتے ہیں، یا وہ ہمیں (فون) کال کر سکتے ہیں۔‘
صدر ٹرمپ نے مزید کہا کہ ’آپ جانتے ہیں، ایک ٹیلی فون ہے، ہمارے پاس اچھی اور محفوظ لائنیں ہیں۔‘
امریکی صدر نے ہفتے کو اپنے مذاکرات کاروں سٹیو وٹکوف اور جیرڈ کشنر کا پاکستان کا دورہ منسوخ کر دیا تھا۔
اس سیکشن میں متعلقہ حوالہ پوائنٹس شامل ہیں (Related Nodes field)
ایرانی وزیر خارجہ عباس عراقچی جمعے کو اسلام آباد تو پہنچے لیکن ان کی امریکی مذاکرات کاروں سے ملاقات نہیں ہو سکی۔
عباس عراقچی اتوار کو عمان گئے اور اسی شام واپس اسلام آباد آ گئے۔
ایرانی میڈیا کے مطابق عباس عراقچی پیر کو اسلام آباد سے ماسکو جائیں گے جہاں ان کی صدر ولادی میر پوتن اور دوسرے روسی حکام سے ملاقاتیں ہونا ہیں۔
