|
ایران کے خلاف امریکہ اور اسرائیل کی مشترکہ جنگ کا آج 28واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کی تازہ ترین اپ ڈیٹس۔ |
صبح چھ بج کر 30 منٹ
پاکستان، سعودی عرب، مصر اور ترکی میں بات چیت اس ہفتے پاکستان میں ہو سکتی ہے: انقرہ
انقرہ نے کہا ہے کہ پاکستان، سعودی عرب، مصر اور ترکی کے درمیان ایران جنگ سے متعلق بات چیت اس ہفتے کے آخر میں پاکستان میں ہو سکتی ہے۔
ترک وزیر خارجہ حاقان فیدان نے نجی نشریاتی ادارے اے خبر سے گفتگو میں کہا ’ابتدا میں ہم نے یہ اجلاس ترکی میں منعقد کرنے کا منصوبہ بنایا تھا… تاہم، چونکہ ہمارے پاکستانی ہم منصبوں کو اپنے ملک میں ہی رہنا ضروری ہے، اس لیے ہم نے اجلاس کو پاکستان منتقل کردیا ہے۔‘
انہوں نے مزید کہا ’یہ ممکن ہے کہ ہم اس ہفتے کے آخر میں وہاں ملاقات کریں۔‘
انقرہ کے اعلیٰ سفارت کار کے مطابق ان مذاکرات میں چار مسلم اکثریتی ممالک کے وزرائے خارجہ شرکت کریں گے۔
