عالمی سٹریمنگ کمپنی نیٹ فلکس نے امریکہ میں پھر فیس میں اضافے کا اعلان کر دیا۔
سٹریمنگ کمپنی تین مختلف پیکج پیش کرتی ہے۔ اشتہارات کے ساتھ سٹینڈرڈ پلان کی قیمت میں ایک ڈالر اضافہ کیا جا رہا ہے اور اب اس کی ماہانہ لاگت 8.99 ڈالر ہوگی۔
اشتہارات کے بغیر دونوں پلانز کی قیمت میں ماہانہ دو ڈالر اضافہ ہو گا۔ بغیر اشتہار والے پریمیم پلان کی، جس میں بیک وقت دو مختلف ڈیوائسز پر دیکھنے کی سہولت موجود ہے، نئی قیمت 19.99 ڈالر ماہانہ مقرر کی گئی ہے۔
پریمیم پیکج، جس میں بیک وقت چار مختلف ڈیوائسز پر دیکھنے اور اعلیٰ معیار کی ویڈیو کی سہولت شامل ہے، اب 26.99 ڈالر میں دستیاب ہو گا۔
اس سے قبل نیٹ فلکس نے جنوری 2025 میں قیمتوں میں اضافہ کیا تھا۔ اس وقت اشتہارات والے درجے کی قیمت میں ایک ڈالر جبکہ بغیر اشتہار والے سٹینڈرڈ پیکج کی قیمت میں 2.50 ڈالر اضافہ کیا گیا تھا۔
بطور ہدایت کار آریان خان کی پہلی نیٹ فلکس سیریز کا پوسٹر (آریان خان/ انسٹاگرام)
حالیہ اضافے پر کمپنی کے ترجمان نے کہا ’ہماری حکمت عملی وہی ہے: ہم مختلف ضروریات کو پورا کرنے کے لیے قیمتوں اور منصوبوں کی ایک حد فراہم کرتے رہتے ہیں، اور جیسے جیسے ہم اپنے صارفین کو زیادہ قدر فراہم کرتے ہیں، ہم اپنے نرخوں کو اس انداز میں تازہ کرتے ہیں کہ معیاری تفریح میں دوبارہ سرمایہ کاری ممکن ہو اور صارفین کے تجربے کو بہتر بنایا جا سکے۔‘
اس سیکشن میں متعلقہ حوالہ پوائنٹس شامل ہیں (Related Nodes field)
گذشتہ ماہ نیٹ فلکس نے وارنر بردرز ڈسکوری کے مجوزہ بڑے انضمام سے دست برداری اختیار کر لی تھی۔
دوڑ میں شامل نہ ہونے کے فیصلے نے پیراماؤنٹ سکائی ڈانس کی حریف پیشکش کو قبول کیے جانے کی راہ ہموار کی۔
اس موقعے پر ٹیڈ سینڈروز اور گریگ پیٹرز نے ایک بیان میں کہا ’نیٹ فلکس نے آج اعلان کیا ہے کہ اس نے وارنر بردرز کے لیے اپنی پیشکش بڑھانے سے انکار کر دیا ہے۔
’اس سے قبل وارنر بردرز ڈسکوری نے اطلاع دی تھی کہ اس کے بورڈ نے پیراماؤنٹ سکائی ڈانس کی تازہ پیشکش کو موجودہ معاہدے کے تحت ’بہتر تجویز‘ قرار دیا ہے۔‘
انہوں نے مزید کہا ’جس معاہدے پر ہم نے بات چیت کی، اس سے حصص داروں کے لیے قدر پیدا ہوتی اور اسے منظوری ملنے کا واضح راستہ موجود تھا۔
’تاہم ہم ہمیشہ مالی نظم و ضبط کو ترجیح دیتے ہیں اور پیراماؤنٹ سکائی ڈانس کی تازہ پیشکش کے برابر قیمت پر یہ سودا اب مالی طور پر پرکشش نہیں رہا، اسی لیے ہم اس کا مقابلہ نہیں کریں گے۔
’نیٹ فلکس کا کاروبار مستحکم، مضبوط اور قدرتی انداز میں بڑھ رہا ہے، جسے ہماری معیاری پیشکش اور اعلیٰ درجے کی سٹریمنگ سہولت تقویت دیتی ہے۔
’اس سال ہم تقریباً 20 ارب ڈالر فلموں اور سیریز پر خرچ کریں گے اور اپنی تفریحی پیشکش کو مزید وسعت دیں گے۔
’ہم اپنی مالی حکمت عملی کے مطابق حصص کی واپسی کا پروگرام بھی دوبارہ شروع کریں گے۔
’ہم گذشتہ 20 برسوں سے ایک عوامی ادارے کے طور پر جو کچھ کرتے آئے ہیں، وہی جاری رکھیں گے: صارفین کو مطمئن رکھنا، منافع کے ساتھ کاروبار کو بڑھانا اور طویل مدت میں حصص داروں کے لیے قدر پیدا کرنا۔‘
