دفاعی چیمپیئن لاہور قلندرز نے پاکستان سپرلیگ (پی ایس ایل) کے 11ویں ایڈیشن کے پہلے میچ میں اپنا پہلا میچ کھیلنے والی حیدرآباد کنگزمین کو 69 رنز سے ہرا دیا۔
قذافی سٹیڈیم لاہور میں کھیلے جارہے میچ میں لاہور قلندرز کے کپتان شاہین شاہ آفریدی نے حیدر آباد کنگزمین کے خلاف ٹاس جیت کر پہلے خود بیٹنگ کا فیصلہ کیا۔
میزبان ٹیم نے 20 اوورز میں چھ وکٹوں کے نقصان پر 199 رنز بنائے جہاں اوپنر فخر زمان 53 رنز کے ساتھ نمایاں رہے۔
حسیب اللہ نے بھی قلندرز کی جانب سے ناقابل شکست 40 رنز بنائے۔
محمد نعیم نے 30، سکندر رضا 24 اور آصف علی نے نو رنز بنائے جبکہ کپتان شاہین آفریدی 12 رنز بنا کر ناٹ آؤٹ رہے۔
حیدرآباد کینگزمین کی جانب سے میریڈتھ اور حسان خان نے دو، دو جبکہ محمد علی نے ایک وکٹ لی۔
199 رنز کا تعاقب کرتے ہوئے حیدرآباد کنگز مین ابتدا سے ہی ڈگمگا کر 130 رنز پر آل آؤٹ ہوگئی۔
26 مارچ 2026 کو لاہور کے قذافی سٹیڈیم میں پاکستان سپر لیگ (پی ایس ایل) کے آغاز سے قبل مہمان خصوصی گراؤنڈ میں (پی سی پی)
عثمان خان صرف 25 رنز کے مجموعے پر پویلین لوٹ گئے۔
حیدرآباد کی جانب سے کپتان مارنس لبوشین نے سب سے زیادہ 26 رنز بنائے۔
اس سیکشن میں متعلقہ حوالہ پوائنٹس شامل ہیں (Related Nodes field)
ان کے بعد کوئی بلے باز خاص کارکردگی کا مظاہرہ نہ کر سکا۔ حیدر آباد کے سٹار بلے باز صائم ایوب بھی صرف 17 رنز بنا سکے۔ حسان خان نے 14 اور حماد اعظم نے 10 رنز کے ساتھ نمایاں رہے جبکہ رائیلی میریڈتھ نے آخری اوورز میں 19 رنز بنائے۔
حیدرآباد کنگزمین کی پوری ٹیم آخری اوور130 رنز بنا کر آؤٹ ہوگئی جسے اپنے پہلے ہی میچ میں 69 رنز سے شکست کا سامنا کرنا پڑا۔
لاہور کے عبید شاہ، سکندر رضا اور حارث رؤف نے دو دو کھلاڑیوں کو آؤٹ کیا جبکہ شاہین آفریدی اور متفیض الرحمان نے ایک ایک وکٹ لی۔
میچ سے قبل پنجاب کی وزیراعلیٰ مریم نواز اور پاکستان کرکٹ بورڈ کے سربراہ محسن نقوی نے پی ایس ایل 11 کے افتتاحی میچ سے قبل مختصر تقریب میں شرکت کی۔
خطے میں کشیدہ صورت حال کے باعث اس سیزن پی ایس ایل کے میچز شائقین کے بغیر ہی کھیلے جا رہے ہیں۔
