ایران کے خلاف امریکہ اور اسرائیل کی مشترکہ جنگ 17ویں روز بھی جاری ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ تازہ ترین اپ ڈیٹس
دن 11 بج کر 48 منٹ: فجیرہ آئل کمپلیکس پر ڈرون حملہ
متحدہ عرب امارات میں حکام کے مطابق منگل کو فجیرہ کے علاقے میں مشرقی ساحل پر واقع آئل کمپلیکس پر ایک تازہ ڈرون حملے کے بعد آگ بھڑک اٹھی، تاہم کسی جانی نقصان کی اطلاع نہیں۔
خبر رساں ادارے اے ایف پی کے مطابق حکام کا کہنا ہے کہ ’امارت کی سول ڈیفنس ٹیمیں فوری طور پر موقع پر پہنچ گئیں اور صورتحال کو قابو میں لانے کے لیے اپنی کوششیں جاری رکھے ہوئے ہیں۔‘
دن 11 بج کر 30 منٹ: ابوظبی میں ایک اور پاکستانی کی موت
ابوظبی میں حکام کا کہنا ہے کہ منگل کو فضائی دفاعی نظام نے ایک بیلسٹک میزائل کو روکا جس کا ملبہ گرنے سے ایک پاکستانی شہری کی موت ہو گئی ہے۔
ابوظبی میڈیا آفس کی جانب سے جاری بیان کے مطابق یہ واقعہ بنی یاس میں پیش آیا ہے۔
