سعودی عرب میں منگل 17 فروری کو رمضان کا چاند نظر آگیا ہے، بدھ 18 فروری کو وہاں پہلا روزہ ہوگا۔
سرکاری خبر رساں ایجسنی ایس پی اے کے مطابق بیان میں کہا گیا کہ’ بدھ 18 فروری 2026 کو رمضان المبارک کا پہلا روزہ ہے۔‘
اس سیکشن میں متعلقہ حوالہ پوائنٹس شامل ہیں (Related Nodes field)
یاد رہے سعودی عرب کی سپریم کورٹ نے مملکت میں تمام مسلمانوں سے منگل 17 فروری کی شام رمضان المبارک کا چاند دیکھنے کی اپیل کی تھی۔
بیان میں درخواست کی گئی تھی کہ ’جو کوئی بھی چاند اپنی آنکھ یا دوربین سے دیکھنے کی کوشش کرے، وہ قریب ترین عدالتی مرکز میں اپنی گواہی ریکارڈ کرائے۔‘
سلطنتِ عمان میں ماہِ رمضان کا آغاز 19 فروری کو ہو گا۔
پاکستان میں بھی رمضان المبارک کے چاند کی رویت کے لیے 18 فروری کو اجلاس ہو گا، جو اسلامی مہینے شعبان کا 29واں دن ہو گا۔
چاند نظر آنے یا نہ آنے کی صورت میں رمضان المبارک کا آغاز 19 فروری یا 20 فروری کو ہو سکتا ہے۔
